ایبٹ آباد (سٹاف رپورٹر)سپیکر صوبائی اسمبلی بابر سلیم سواتی کی سربراہی میں یوتھ پارلیمنٹ پاکستان کی ”تقریب حلف برداری“صوبائی اسمبلی خیبر پختون خواہ میں منعقد کی گئی،جس میں سپیکر صوبائی اسمبلی نے پورے صوبے سے منتخب ہونے والی ڈسٹرکٹ کابینہ سے حلف لیا،تقریب میں چیئرمین یوتھ پارلیمنٹ اسامہ ندیم قریشی،شاہد خان ممبر کور کمیٹییمس شانزہ ممبر کور کمیٹی، ڈاکٹر ارسلان چیئرمین میڈیکل بورڈ یوتھ پارلیمنٹ،ریحان خان سوشل ویلفیئر ہیڈ ڈسٹرکٹ ایبٹ آباد،جنرل سیکرٹری حسن خان ایبٹ آباد،مس نایاب پریزیڈنٹ وومن ونگ ڈسٹرکٹ ایبٹ آباد،مس اقصی جنرل سیکرٹری وومن ونگ ایبٹ آباد،جلال خان اور دیگر یوتھ رہنماؤں نے بھی شرکت کی۔تقریب میں ایم پی اے شیر علی،چیف سیکرٹری سیکرٹری وقار شاہ اوراسپیشل سیکرٹری کفایت اللہ نے بھی شرکت کی۔یوتھ پارلیمنٹ کے ممبران کے سخت سوالات کے بڑے دلجمی سے جوابات دیئے تقریب سے خطاب کرتے ہوئے بابر سلیم سواتی سپیکر خیبرپختونخوا نے کہاکہ نوجوانوں کے جزبے کی سلام پیش کرتاہوں۔خوشی ہوتی ہے جب نوجوان ملک کی بقاء کے لیے بڑھ چڑھ کرحصہ لیتے ہیں۔بانی پی ٹی آئی عمران خان کا بھی مشن نوجوانوں کو باوقار اور باصلاحیت بنانا ہے۔ہماری جب بھی یوتھ پارلیمنٹ کے نوجوانوں کو ضرورت پڑی ہم آپ کے ساتھ کھڑے ہوں گے۔تقریب کے اختتام پراسمبلی ہال کاوزٹ کرایاگیاجہاں اجلاس جاری تھا۔دوران اجلاس اسپیکر خیبرپختونخواہ بابر سلیم سواتی نے چیئرمین یوتھ پارلیمنٹ اسامہ ندیم قریشی اوران کے ساتھی ممبران کو اسمبلی ہال وزٹ پر خوش آمدید کہا۔