ایبٹ آباد تعلیمی بورڈ کی طر ف سے میٹرک نتائج کا اعلان،طالبات کا پلڑا بھاری، طلباء پیچھے رہ گئے

ایبٹ آباد(نمائندہ خصوصی)بورڈ آف انٹرمیڈیٹ اینڈ سیکنڈری ایجوکیشن ایبٹ آباد نے جماعت نہم اور دہم کے سالانہ نتائج کا اعلان کردیا ہے۔سائنس گروپ میں نجی سکولز اورآرٹس میں سرکاری سکولز کی طالبات نے طلبا کومات دیکر میدان مار لیا۔سائنس گروپ میں تعمیر وطن پبلک سکول اینڈ کالجز ایبٹ آباد کی عدن سعد نے 1155نمبر حاصل کرکے پہلی،گارڈن پبلک سکول مانسہرہ کی عکاشہ طارق نے 1149نمبر لے کر دوسری اور تعمیر وطن کی مہا مصباح نے 1144نمں ر حاصل کرکے تیسری پوزیشن حاصل کی۔آرٹس گروپ میں طالبات نے برتری برقرار رکھتے ہوئے گورنمنٹ گرلز ہائی سکول بیروٹ کی ردا امتیاز نے 1020نمبر لے کر پہلی،گورنمنٹ گرلز ہائی سکول مراد پور مانسہرہ کی حفضہ ساجد نے 1012نمبر حاصل کرکے دوسری،گرلز ہائی سرائے نعمت خان ہری پور کی اسرا کوثر نے 1006 نمبر حاصل کرکے تیسری پوزیشن حاصل کی۔جماعت دہم میں مجموعی طور پر 72ہزار 305 طلبا وطالبات میں 57ہزار 981 پاس ہوئے جن کی کامیابی کا تناسب 80 فیصد رہا۔جماعت نہم میں کل 71ہزار 436طلبہ وطالبات میں 44ہزار 648پاس ہوئے۔جن کی کامیابی کا مجموعی تناسب 63 فیصد تھا۔ثانوی تعلیمی بورڈ ایبٹ آباد کے جاری نتائج کے مطابق جماعت دہم میں ریگولر طالبات میں 26ہزار 598 میں 21ہزار 260پاس ہوئے۔ 38ہزار 134 طلبا میں 32ہزار 75 پاس ہوئے۔پرائیویٹ طالبات میں 2910 میں سے 1638اور مردوں میں 4663میں سے 3008 پاس ہوئے۔اسی طرح جماعت نہم کی ریگولر طالبات میں 27ہزار 485میں سے 17ہزار 14پاس ہوئے۔جن کی کامیابی کا تناسب 62فیصد رہااور طلبا میں کل 39 ہزار 565 میں 26ہزار 112 پاس ہوئے۔جن کی مجموعی کامیابی کی شرح 66.61فیصد رہی۔پرائیویٹ طالبات میں 1550میں سے 603 پاس ہوئی اور طلبا میں 28ہزار 36 میں سے 919 پاس ہوئیں۔جماعت دہم میں 5602طلبہ نے گریڈ ون،11925نے A گریڈ،17977نے بی گریڈ،17156نے سی گریڈ 5214نے ڈی گریڈ اور 107طلبہ نے ای گریڈ میں کامیابی حاصل کی ہے۔پوزیشن ہولڈر طلبہ کے نتائج اعلان پشاور میں کیا گیا جب کہ نتائج کی پی ڈی ایف کاپی شام کو جاری کی گئی۔