ایبٹ آباد(محمد عامر شہزاد جدون سے)وزارت پانی وبجلی پاکستان نے ہزارہ الیکٹرک سپلائی کمپنی کے چیئرمین اور بورڈ آف ڈائریکٹرز کا تقرر کر کے اعلامیہ جاری کیا ہے۔ڈپٹی سیکرٹری وزارت پانی وبجلی کے جاری اعلامیہ کے مطابق حمایت اللہ خان کو چیئرمین اور طاہر خان،فضل خالق خان،ثانیہ اکبر خٹک،سعود اعظم کا آئندہ تین سال کی مدت کے لئے ڈائریکٹرز کا تقرر کیا گیا ہے۔ہزارہ الیکٹرک سپلائی کمپنی کے قیام سے ہزارہ میں بجلی کا بوسیدہ نظام اپ گریڈ کرنے میں مدد ملے گی اور نوجوانوں کیلئے روزگار کے نئے مواقع بھی پیدا ہوں گے۔ہزارہ کے عوام نے بورڈ آف ڈائریکٹر کے نوٹیفیکشن پر مسرت کا اظہار کیا ہے اور اس کے لئے جدوجہد کرنے والے بانی چیئرمین ہزارہ الیکٹرک سپلائی کمپنی جمیل اختر تنولی سمیت دیگر کو خراج تحسین پیش کیا ہے۔جنہوں نے ہزارہ کے عوام کی نسلوں کے بقا کے لئے خلوص نیت سے کوشش کی۔