ہری پور (بیورورپورٹ)تحریک تحفظ آئین پاکستان کا جمعتہ المبارک کو ملک گیر احتجاج کا اعلان تحریک تحفظ آئین پاکستان نے جمعتہ المبارک کو 26 جولائی کو ملک بھر میں احتجاج کی کال دے دی۔پی ٹی آئی رہنما اسد قیصر نے اپنے ویڈیو بیان جاری کرتے ہوئے کہا کہ جمعہ کو ملک گیر احتجاج کرینگے، ملک بھر میں امن اوامان کی صورتحال بگڑتی جا رہی ہے، مہنگائی کے طوفان نے عوام کو تباہ کر دیا ہے۔انہوں نے کہا کہ عمران خان اور بشری بی بی کو ناحق جیل میں قید کر رکھا ہے۔ کارکنان اور سوشل میڈیا سے وابستہ لوگوں کو اغوا کیا جا رہا ہے۔ پی ٹی آئی رہنما کا کہنا تھا کہ ہمارے ارکان قومی اسمبلی کی خریداری کے لیے بڑی بڑی آفرز ہو رہی ہیں، ارکان اسمبلی کو دباؤ میں لا کر وفاداریاں بدلنے کی کوشش کی جا رہی ہے۔انہوں نے کہا کہ پاکستان کے ہر طبقے کو احتجاج میں شریک ہونا چاہیے، جی ڈی اے اور سیاسی جماعتوں کو بھی احتجاج میں شرکت کی دعوت دیتے ہیں۔ میرے پاکستانیوں ہم نے پورے پاکستان میں آئندہ جمعہ تحریک تحفظ آئین پاکستان کے تحت احتجاج کا اعلان کیا ہے۔ہمارے احتجاج کے تین اراض و مقاصد ہیں۔ہمارا احتجاج ملک میں بگڑتی ہوئی امن و امان کی صورت حال اور حکومت کی ناکامی کے خلاف ہے۔ دوسرا ہمارا احتجاج اس وقت ناجائز طور پر عمران خان، بشری بی بی اور ہمارے دیگر اسیران جیلوں میں ہیں اور ہمارے سوشل ورکر اور خاص طور پر سوشل میڈیا سے متعلقہ لوگوں کو ناجائز طور پر اٹھانے اور غائب کرنے کے خلاف ہے۔تیسرا ہمارا احتجاج مہنگائی کے خلاف ہے جو انہوں نے بجٹ کے ذریعے غریب عوام پر قیامت برپا کی ہے۔ بجلی کی بلوں میں اضافہ کیا گیا ہے، پیٹرول کی قیمتوں میں اضافہ کیا گیا ہے،بہت زیادہ ٹیکسز لگاے گئے ہیں جو ناقابل برداشت ہیں۔تمام طبقے خواہ وہ کسان ہو، طلباء ہو، تاجر ہو یا مزدور ہم سب نے اس ملک کو بچانا ہے۔ اس وقت ملک میں آگ اور خون کا کھیل کھیلا جا رہا ہے اور یہ ایک سیاسی جماعت کے خلاف کریک ڈاون کر رہے ہیں ایم این ایز کو خریدنے کیلئے بڑی بڑی آفرز کر رہے ہیں۔لوگوں کو دبایا جا رہا ہے کہ اپنی وفاداری تبدیل کریں۔ان کو کوئی شرم و حیا نہیں ہے انہوں نے ہر صورت اقتدار سے چمٹنا ہے۔آپ لوگوں نے نکلنا ہے جمعہ کو تاریحی احتجاج کریں گے۔تمام سیاسی جماعتوں بلخصوص جی ڈی اے کو احتجاج میں شرکت کی دعوت دیں گے۔