ہری پور (چیف رپورٹر) عوام کو ریلیف دینے کے لئے حکومت کا بڑا اقدام،دیکھیں عوام کو ریلیف دینے کے لئے یکم اگست سے یوٹیلٹی سٹورز پر دالوں اور چاول پر سبسڈی میں 300 فیصد اضافے کی تجویز دی گئی ہے۔ ذرائع کا بتانا ہے کہ دال چنا اور ٹوٹاچاول پرفی کلو سبسڈی25 روپے سے بڑھا کر 100 روپیکرنے کی تجویز ہے جب کہ گھی پرفی کلو سبسڈی70 روپیسے بڑھاکر 100 روپیکرنے کی تجویز دی گئی ہے۔ چینی پر بھی فی کلو کے حساب سے سبسڈی بڑھانے کی تجویز ہے۔اس طرح عوام کو عام بازار کی نسبت یوٹیلٹی اسٹورز پر دالیں اور دیگر اشیاء مزید سستی ملیں گی۔ ذرائع نے مزید بتایا کہ یوٹیلیٹی اسٹورز پر وزیراعظم کینئے پیکج کی سمری ای سی سی کو بھجوادی گئی ہے، اس سمری کا ای سی سی اوروفاقی کابینہ کی منظوری کیبعد ہوگا تاہم یوٹیلیٹی اسٹورز پر وزیراعظم کے نئے پیکج کا اطلاق یکم اگست سے کرنیکی تجویز ہے۔ ذرائع کا کہنا ہے کہ وزیراعظم پیکج کے تحت یوٹیلیٹی اسٹورز پر5 بنیادی اشیاء پر سبسڈی دی جارہی ہے جس میں چینی،گھی،آٹا، چاول اور دالوں پر بی آئی ایس پی صارفین کو سبسڈی دی جارہی ہے، بجٹ میں یوٹیلیٹی اسٹورز پر وزیراعظم اور رمضان پیکج کے لیے 65 ارب روپے مختص کیے گئے ذرائع کے مطابق وزیراعظم رمضان ریلیف پیکج کے لیے 10 ارب روپے مختص کیے گئے ہیں، وزیراعظم ریلیف پیکج کیلیے رواں مالی سال 55 ارب روپے مختص کیے گئے جب کہ گزشتہ مالی سال وزیر اعظم پیکج کے تحت35 ارب روپے مختص کیے گئے تھے۔