آبادی اور وسائل میں توازن کے بغیر پائیدار ترقی ممکن نہیں ہے، شہزادہ گستاسپ

بالاکوٹ،گڑھی حبیب اللہ(چیف رپورٹر) پاپولیشن ویلفیئر ڈیپارٹمنٹ اور یو این ایف پی اے کے تعاون سے ملک میں بڑھتی ہوئی آبادی وسائل اور اس سے پیدا ہونے والے مسائل کے حوالے سے مانسہرہ میں ایک روزہ سمینار کا انعقاد۔ شہزادہ محمد گشتاسپ خان ایم این ایاین اے 15 مانسہرہ نے بطور مہمان خصوصی شرکت کی۔اس کے علاہ منیر حسین لغمانی ایڈوکیٹ ایم پی اے۔پی کے 36 مانسہرہ، نور عالم خان ایڈیشنل سیکرٹری پاپولیشن ویلفیئر ڈیپارٹمنٹ خیبرپختونخواہ، اکرام اللہ،ایڈیشنل ڈائریکٹر جنرل پاپولیشن ویلفیئر)کاشف خان (ڈپٹی ڈائریکٹر،فوکل پرسن،یو این ایف پی اے، سیف الرحمان،ڈسٹرک پاپولیشن ویلفئیر آفیسر مانسہرہ، ممتاز عالم دین مولانا قاضی وصی الرحمان اور ھزارہ ڈویژن سے آئے ہوئے کثیر تعداد میں جید علما کرام نے شرکت کی۔مقررین نے ملک کی آبادی کی بڑھتی ہوئی صورتحال اور وسائل پر بات کی اور آنے والے سالوں میں آبادی کے اندر اضافہ اور وسائل کی کمی سے پیدا ہونے والی صور تحال سے آگاہ کیا۔ آبادی اور وسائل میں توازن کے بغیر پائیدار ترقی ممکن نہیں اس کے علاہ خاندانی منصوبہ بندی کے بارے میں اسلامی تعلیمات کے حوالے سے معاشرے میں لوگوں کو شعور دینے اور اس کو اس پر عمل کرنے کے حوالے سے گفتگو کی گئی۔مقررین نے اس بات پر بھی زور دیا کہ مائیں اپنے بچوں کو دو سال تک دودھ پلائیں تاکہ اس ماں اور بچے کی صحت بہتر رہے۔ہر سال مناسب خوراک نے ملنے کی وجہ سے 1 ہزار نوزائیدہ بچوں میں سے 63 بچے فوت ہو جاتے ہیں۔علما کرام اس معاشرے کے اہم ترین افراد ہیں ان سے گزارش کی گئی کے وہ معاشرے کی فلاح وبہبود اور لوگوں میں اس مسئلہ کو اجاگر کرنے اور اسلامی تعلیمات کے مطابق لوگوں کو آگاہی دیں خاندانی منصوبہ بندی اور برتھ سپیسنگ،ہر بچہ کی پیدائش کے درمیان کم ازکم 3 سال کا وقفہ۔اور اس حوالے سے معاشرے میں آگاہی پھیلانے میں اپنا کردار ادا کریں۔