ڈی پی او آفس ایبٹ آباد میں محرم الحرام 2024 کے سلسلے میں ضلعی پولیس سربراہ عمر طفیل کی زیر صدارت ممبران امن کمیٹی ضلع ایبٹ آباد اور اہل تشیع کونسل کے ممبران کے ہمراہ امن و امان کے حوالے سے الگ الگ میٹنگز کا انعقاد
تفصیلات کے مطابق گزشتہ روز ڈی پی او آفس ایبٹ آباد میں ضلعی پولیس سربراہ ایبٹ آباد عمر طفیل کی زیر صدارت محرم الحرام کے دوران امن و امان کے قیام کو برقرار رکھنے کے لیے امن کمیٹی کا اجلاس ہوا جس میں ضلع ایبٹ آباد امن کمیٹی کے ممبران، پریس کلب ممبران ، تحصیل میئر سردارشجاع نبی سمیت ایس پی انوسٹیگیشن طاہر اقبال ، ایس پی کینٹ سعید اختر خان ، ایس پی حویلیاں اشتیاق خان بھی اجلاس کے دوران کے موجود رہے ، اس موقع پر محرم الحرام کے دوران انتظامیہ کے ہمراہ شانہ بشانہ رہتے ہوئے ہر قسم کا تعاون جاری رکھنے پر اتفاق ہوا۔ اجلاس سے خطاب کے دوران ضلعی پولیس سربراہ کا کہنا تھا کہ شہر کے امن کی خاطر تمام تر وسائل بروئے کار لائے جائیں گے، میٹنگ کے دوران محرم الحرام کے دوران سکیورٹی انتظامات اور ضلع بھر میں منعقد ہونے والی مجالس اور ماتمی جلوسوں کے پروگرام زیر بحث لائے گئے اور تمام امور کا سکیورٹی اور امن و امان کے حوالے سے تفصیلی جائزہ لیا گیااس موقع پر ضلعی پولیس سربراہ نے محرم الحرام کے دوران قانون کی بالادستی اور شہر کے امن و امان کو مد نظر رکھتے ہوئے تمام ممبران کو ان کی ذمہ داریوں کے متعلق آگاہی دی اور خطاب کرتے ہوئے کہا کہ یہ شہر آپ کا اپنا ہے اس کی پر امن فضا کو برقرار رکھنے کے لیے جتنی ذمہ داری انتظامیہ کی ہے اتنا ہی حق امن کمیٹی کے ممبران کا بھی ہے ہمیں پوری امید ہے کہ شہر کے امن کی خاطر آپ ہر طرح سے انتظامیہ کے ساتھ بھرپور تعاون کریں گیاس دوران خطاب کرتے ہوئے ضلعی پولیس سربراہ نے کہا کہ کوشش کریں کسی بھی غیر روائتی جلوس یا مجالس سے اجتناب کریں،،محرم الحرام کے دوران لاوڈ سپیکر کے غیر ضروری استعمال، اشتعال انگیز اور شرانگیز تقاریرسے پرہیز کریں امن کمیٹی کے اراکین اور مجالس کے آرگنائزر ز کو باقاعدہ کارڈ جاری کیے جائیں گے جو ماتمی جلوسوں کے دوران انتظامیہ کے ساتھ شانہ بشانہ موجود رہیں گے بغیر چیکنگ کے کسی بھی شخص کو جلوس میں داخلے کی اجازت نہیں دی جائے گی لہذا انتظامیہ کے ساتھ مکمل تعاون کریں۔
اجلاس کے دوران امن کمیٹی کے اراکین نے اپنی آراہ بھی پیش کی کیں جنہیں سنتے ہوئے ضلعی پولیس سربراہ نے مکمل عملدرآمد کی یقین دہانی کروائی ، جبکہ آخر میں شہر میں امن و امان کے قیام، ملکی ترقی و سلامتی کے لیے دعا بھی فرمائی گئی۔
