جماعت اسلامی تحصیل بالاکوٹ کا بجلی لوڈشیڈنگ بڑھتی ہوئی مہنگائی اضافی بلوں کے خلاف احتجاج تفصیلات کے مطابق گزشتہ روز ملک کے دیگر شہروں کی طرح بالاکوٹ میں جماعت اسلامی کے رہنما فضل الرحمان و دیگر کی قیادت میں بجلی لوڈشیڈنگ کے خلاف ہونے والے احتجاج سے خطاب میں مقررین نے کہا ہے کہ
اپوزیشن جماعتیں اسمبلوں میں ہوتی ہیں تو بڑی بڑی باتیں کرتے ہیں، حکومت میں آتے ہی یہ جماعتیں اس طرح کے اقدام کرتی ہیں، عوام غلط لیڈر شپ کا چناؤ کریں گے تو دھوکا ہی ہو گا۔امیر جماعت اسلامی کا کہنا تھا کہ ایسے نہیں ہو سکتا کہ ملک کو اشرافیہ کے رحم و کرم پر چھوڑ دیں، اس ملک کے خزانے اشرافیہ کیلئے نہیں عوام کیلئے ہیں۔ قوم 2800 ارب روپے ایسے ادا کر رہے ہیں جس کی بجلی نہیں بن رہی، حکومت نے بجٹ میں ٹیکسوں کا مزید بوجھ عوام پر ڈالا ہے غریبوں پر نئے ٹیکس لگا دیے گئے، ارکان اسمبلی اور امرا پر کوئی بوجھ نہیں ڈالا گیا، ایف بی آر کا کام لوگوں کو ٹیکس نیٹ میں لانا ہے۔ ایک طرف لوڈشیڈنگ ہے دوسری طرف بجلی کے بھاری بل ہیں، شہباز شریف پی ڈی ایم حکومت میں بھی لوڈشیڈنگ ختم کرنے کے بڑے دعوے کرتے تھے، انہوں نے مزید کہا کہ ملک کی معیشت تباہ کرنے والے لوگوں کو کٹہرے میں لایا جانا چاہیے۔ ظلم کے خلاف موثر آواز اٹھانا اور پرامن احتجاج ہی واحد راستہ ہے، جماعت اسلامی بروز جمعہ کو دیگر شہروں میں بھی احتجاج کریں گے